عشان انت مصرى ..(الشاعر احمد فؤاد نجم)

[لمسة جمال]

مع الإعتذار لكل الأخوه المصريين

عشان انت مصرى لازم تعانى
وتفقد كرامتك بكل المعانى
وتحرق فى دمك سنين مش ثوانى
واوعى تصدق كلام الاغانى
بتاع الحضاره وكانى ومانى
ده كله هجايص مايدخل ودانى


عشان انت مصرى العذاب بيناديك
بتبدا فى يومك حاجات بترازيك
فى نومك فى قومك تعكنن عليك
تضايقك ولسه العماص فى عينيك
مافيش ميه تشطف صابونه فى ايديك
وجسمك ملزق وريحتك عاديك
فتلبس وتنزل وفيك اللى فيك


ورايح لشغلك حتحتاج مواصله
ادى المترو واقف وكهربته فاصله
وفى الميكروباص خناقه وحاصله
اوتوبيس فرامله عايزالها وصله
وتوك توك ده تايه ومحتاج لبوصله

بتوصل لشغلك بدم اتحرق
فى زحمه وكتمه وحر وعرق
رئيسك سايبلك كومه ورق
ده غير دمغه ضايعه وملف اتسرق
وفى كام مواطن عامللك قلق
بيشكى تقول له روح اندعق
وعركه وهوجه وشاى اندلق
ومخك خلاص من الصداع اتفلق

هترجع لبيتك ده لو كان فى بيت
هتوصل هتندم ياريتك ماجيت
مراتك بتصرخ خلاص استويت
عيالك بتطلب وهات كيت وكيت
تزعق تهاتى ياناس اتهريت
ولاحد سامعك مهما هاتيت


عشان انت مصرى وده للاسف
فلازم تاسى تعيش تتقرف
وكل الاساسى فى حياتك ترف
فتنسى الكرامه وتنسى الشرف
وتسرق وتنصب او تنحرف
ودمعك بيجرى وجرحك نزف
مش انت اللى مصرى؟؟؟ جتك القرف

[سيدة الاناقه]

حلوووووة

يعطيك العافيه

[لمسة جمال]

ألف شكر سيدة الأناقه

[أمانى]

قصيده تشرح الواقع الأليم

ألف شكر لك

[لمسة جمال]

جزاكى الله ألف خير أمانى

[بلسم القلوب]

عشان انت مصرى وده للاسف
فلازم تاسى تعيش تتقرف
وكل الاساسى فى حياتك ترف
فتنسى الكرامه وتنسى الشرف
وتسرق وتنصب او تنحرف
ودمعك بيجرى وجرحك نزف
مش انت اللى مصرى؟؟؟ جتك القرف



حقيقة مش كذب
سلمت يداكي علىالنقل

[لمسة جمال]

سلمتى وعشتى بلسم القلوب

وده حقيقة الغالبيه مش بس المصرى بس المصادفه انه المؤلف مصرى وكتب عن ابن بلده

وبتلاقيها بكل مكان

[أمانى]

http://i46.servimg.com/u/f46/11/76/71/34/get-4-19.gif

[لمسة جمال]

شكرآ عزيزتى نورتى الموضوع

[سامر]

http://img442.imageshack.us/img442/9975/montd12ws1.gif

[لمسة جمال]

مشكوووووووووووووووور سامر




http://i28.servimg.com/u/f28/11/76/71/34/dhk88710.gif

[( العبّادي )]

السلام عليكم ..
لا .. إني لا أتفق .. ولا أرضى عن هكذا شعر ..
فكما لاأرضى أن يُعيب أحدٌ أمي .. كذلك لاأرتضى شعرا يعيب وطني ..
أبي - طيَّب الله روحه - كان يقول لي :
( لتحب وطنك وارضك كما تحب امك .. وأنتَ تحب امك لا لكونها جميلة او انيقة او ذكية اوطيّوبة ولكن تحبها لأنها أمك..
هكذا عليكَ أن تحب وطنك لأنه وطنك وحسب )..
فدعوني من باب الحب لمصر أردد :
مصرُ التي في خاطري وفي فمي
أحبها من كل روحي ودمي
ياليتَ كل مؤمنٍ بعزها يحبها .. حبي لها
بَنِي الحِمَى والوطن ِ من منكمُ يحبها مثلي أنا
نحبها من روحنا .. ونفتديها بالعزيز الأكرم ِ من عمرنا وجهدنا
احبها لظلها الظليل ِ
بين المروجِ الخُضر ِ والنخيل ِ
نباتها ماأينعه مفضضا مذهّبا
ونيلها ماأسعده يختال مابين الرُبى
...
فمصر هي أمي وعِرضي .. هي أرضي وقمحي .. هي غنمي ونحلي .. هي مسقط رأسي ومثوى امي وابي ..
ومالا أرتضيه لأمي .. لاأرتضيه في حقها .
فمن لايغار على وطنه !!
ولمن شاء أن يسمع ( مصر التي في خاطري ):

http://www.youtube.com/watch?v=R7lxwP_Oq6Q

سيف