كل التقييمات على الرواية منخفضة جدا، الأغلبية نجمة ونجمتين
من الأمان إني أقيم الرواية بنجمتين أو تلاتة وأقول أخطاء لقيتها، التقييم المنخفض دائما ما يعبر عن العمق وكثرة القراءة
بس أنا الرواية بالنسبالي كانت ممتعة جدا، قصة أكتر من رائعة
كتير من القراء شايفين ان مراد غير في التاريخ، وأنا كمان شايف انه غير في التاريخ، بس أنا سعيد بدة
أنا بقرأ عشان أبعد عن الواقع القبيح، عاوز أعيش في قصة مختلقة جميلة


ودة اللي مراد عمله، لو عاوز أقرأ عن التاريخ هقرأ كتب أكاديمية موثقة، لكن أنا بقرأ رواية، وعاوزها تبقى خيالية وأحداثها مختلقة
هو مكتبش تاريخ ناس معاصرة أو تاريخ قريب لم يمضي عليه عشرات السنين، احنا بنتكلم في الاف السنين، ليه منكتبش التاريخ تحت عنوان
التاريخ كما نتمنى أن يكون يمكنك تحميل رواية أرض الالة pdf
عمنا نجيب محفوظ قال العمل الروائي لازم تتم قراءته بعيدا عن أي وقائع
الرواية بتحكي عن برديات وجدها هوارد كارتر مكتشف مقبرة توت عنخ أمون في القرن الماضي، في البرديات قصة كاهن تم قتله لأنه يكتب قصة خروج بنو اسرائيل من مصر، بعد قتله هيقوم أحد تلاميذه بترجمة البرديات والبدء في حرب شعواء وهروب من مردخاي اليهودي رئيس القصر الملكي
الذي يحاول أن يخفي البرديات ويطمس ما كتب الكاهن القتيل للأبد

المصدر : فور ريد